Tengo dos pueblos para amar y un mundo por el que luchar

Pakito Arriaran

Se encuentra usted aquí

Pueblos

Marokoko polizia Saharara joandako brigada kideak kanporatzen ari da

Argazkia: 2013ko udako euskal brigada saharan

Arratsaldean jakin berri dugu El Aaiunnen aurkitzen ziren brigadako kideak kanporatuak izaten ari direla. 24 ordu ere ez dituzte bertan egin eta gaur arratsaldean, aurkitzen ziren  sahararren etxera polizia sartu eta beraien borondatearen aurka atera dituzte. Kontrol batera eraman dituzte jarraian. Atxikita zituztela bi kide paretaren aurka jarri dituztela azaldu digute eta ostean denak, bost brigadistak, taxi batean sartu dituztela Saharatik kanporatzeko. Datozen orduetan brigada kideekin harremanetan jarri eta kanporaketa hau nola izan zen jasotzen ahaleginduko gara.

Dumatik, kolonoek erasotu eta erretako etxean

Uztaila amaieran jakin genuen albistea. Kolonoek palestinar familia baten etxera erasotu eta erre zuten. Ekintza honekin, urte beteko haurra erail eta gainontzeko senideak larriki zaurituta utzi zituzten. Brigada kideak erre zuten etxean bertan izan dira eta ekintza nola jazo zen azaldu digute. 

“23 de enero”, Caracaseko auzo historikoa

Sarean jarraitu ahal izan ditugu Venezuelako brigada kideen urratsak, baina gaurkoan, lehen egunetako bizipenekin datozkigu, Caracasen izandako harrera eta bereziki "23 de enero auzoan" bizi eta ikusitakoa.

Abuztuaren 2an atlantikoa gurutzatu eta Latinoamerikako prozesu iraultzaile interesgarrienetakoa duen Venezuelara heldu ginen. Hegazkinetik jeitsi, eta zuzenean 23 de enero izeneko auzora abiatu ginen, bertako "Coordinadora Simon Bolivar" zain geneukala. Harrera beroa jaso genuen eta aurretik geneukan astearen nondik norakoak azaldu zizkiguten.

Irundik "eutsi Kurdistan" elkartasun oihua!

Mosku auzoko festetan murgilduta egon arren, Irungo hamarnaka lagunek elkartasuna adierazi diote herri kurduari. Estatu Islamikoaren eta bestelako potentzia inperialisten erasoen aurrean gauzatzen ari diren erresistentzia goraipatu dute, eta Turkiaren jarrera salatu.

Gaiarekin harremanduz hemen irakurgai eta ikusgai dituzue udara honetan Kurdistanen izandako brigadaren kronika eta esperientziak. 

Hemen Irungo Askapenaren oharra: 

Kurdistango herria eredu da. Eredu, Lehen Mundu Gerra ostean, Frantzia eta Britainia handiak (bi potentzia inperialista garaileek) kurduen lurraldea lau estatu ezberdinetan banatu arren, inposaturiko etorkizunari uko egin eta honi aurre egiteagatik. Eredu, 70. hamarkadan, bizi zuten zapalketaren erroak identifikatu, eta honi aurre egiteko PKK bezalako tresna eraginkor eta indartsua eratzen jakiteagatik. Eredu, 90. hamarkadan, Turkiako ejertzitoaren ofentsibari, eta Estatuaren apartheid politikari duin eta tinko aurre egiteagatik. Ekialde hurbilaren errealitate etnikoa ulertu, eta askapen borroka birdefinitzeko gaitasunagatik, inguruko herriei konfederalismo demokratikoa bezalako planteamendu askatzaile bat luzatzeko gaitasunagatik, eredu da. Eta nola ez, inperialismoaren ondorio den DAESHen aurrean erakutsitako indarrarengatik, eta Rojava-ko kantoian euren utopia konfederala praktikan jartzen hasteagatik eredu da Kurdistango herria.

Bety Cariñoren sendia Euskal Herrian, justizia eske eta bakea aurkitzen

Astebete eman du Bety Cariñoren sendia Euskal Herrian. Mexikon mehatxu eta eraso saiakerak pairatu ondoren, herrialdea utzi behar izan zuten. Horrela, justizia eskaera indartuz eta nolabaiteko egonkortasuna eta bakea aurkituz  bisitatu dute gure lurraldea “Betyren lagunak!” taldearen eskutik.

2010ean akatu zuen MULT talde paramilitarrak Bety Cariño iraultzaile Mixtekarra. Oaxakako estatuan, eskualde trikian kokaturiko eta paramilitarrek setiatutako San Juan de Copala komunitaterako bidean zihoan karabana humanitarioan parte hartzen zuen Bety. Estatuaren konplizitateak kargatutako armek enboskada baten bitartez zuzenean hil zuten, berarekin batera Jiry Jaakkola ikuskatzaile finlandarra ere hilda suertatu zelarik.

Herri boterea eta borroka soziala Buenos Aireseko villetan

La Boca auzo tradizionaletik  Villa Soldati eta Bajo Flores villetara jo dute brigadistek. Ideia bat egiteko, gaur egun Buenos Aires hirian 20 “villa” inguru eta 57 asentamendu daude. 2010eko errolda ofizialaren arabera gutxi gora-behera 163.000 pertsona bizi dira auzo horietan, gehienak atzerritarrak. Kopuru zehatza kalkulatzea zaila den arren, askoz ere zifra altuagoa izan daiteke. Azken urteotan villak hazi egin dira, baina ez azalerari dagokionez baizik eta altueran.

Susiya kanpamendua, baserritarren erresistentzia herrixka

Ramallahko bideo kronikaren ostean Susiya kanpamendua, nekazari eta abeltzainen herrixkako errealitatea azaltzen digute Palestinako brigada kideek. C zonaldean kokatzen da kanpamendua eta Israelen kolonizazio politen bitartez, bertatik kanporatzeko estrategiak garatzen dituzte.

Info 7 irratian Oihan Agirretxe brigada kideari egindako elkarrizketa “Erresistentzia, duintasuna eta esperantza dira eguneroko ogia”

Gaur 8 aldizkarian Jon Mikel Fernandez brigada kideak egindako erreportajea “Nor gogoratzen da errefuxiatu palestinarrekin?”

La Boca auzo tradizionaletik heldu zaigu Argentina Uruguayko brigada kideen kronika

Buenos Aireseko Pompeya auzotik La Boca auzo tradizionalera jo dute brigadistek. Bertan, La Boca; “conventillos” deritzen egurrezko etxe xume eta koloretsuetan bizi dira biztanleak. Euren egunerokotasuna zaila bada ere, elkartasun sentimendua da nagusi auzotarren artean. Brigadistak Los Pibes organizazio sozial eta politikoarekin elkartu ziren eta hemen jaso digute beraien esperientzia.

1996. urtean, La Bocaren egoera lazgarria ikusita eta kapitalismo basatiari erantzun emateko, hainbat familia elkartu egin ziren eta Los Pibes jantokia ireki zuten. Hala, “euren istorioa” aldatzen saiatu ziren “historia” aldatzen laguntzeko. Eskolara joaten ez ziren egunetan haurren elikadura bermatzea zen egitasmoaren helburua. Izan ere, jantokiak egindako lanagatik izan ez balitz, neska-mutil askok ez lukete aukerarik izango egunean otordu bakar bat ere ez egiteko.

Buenos Aireseko Pompeya auzotik Argentina-Uruguayko brigadaren lehenengo kronika

Buenos Aireseko Pompeya auzoan dagoen kultur zentro okupatua bisitatzeko aukera izan dute Argentina Uruguayko brigadako kideek. Pañuelos en Rebeldía taldeak lurraldetasunari buruzko mintegia antolatu zuen eta bertan parte hartzeko aukera izan zuten. Bertan hainbat naziotako kideak ere izan dira, tartean Pompeyako zentro kulturalean Monica Mejicanorekin Mexikoko egoeraren berri jaso zuten brigadistek. 

Pompeya Kultur Zentroan hainbat erakunde eta ekimen biltzen dira, horien artean, Pañuelos en Rebeldía. Herri-hezkuntza eraikitzea da euren asmoa eta, horretarako, ekintza politiko pedagogikoan dihardute Argentinako eta Latinoamerikako beste mugimendu sozialekin; hainbat herri zapalduekin elkarlanean eta borrokan. Herri-mugimenduen errealitatea ezagutaraztea eta eraldatzea dute helburu, eta euren lanak 3 ardatz nagusi ditu:

Banabilgo desplazatuekin egonaldia

Aurreko kronika, Mexikon aurkitzen diren brigada kideek Banavil izeneko komunitate bateko familia desplazatu batekin. Behaketarako Brigada Zibila (BriCO) izan zela azaldu ziguten. Baina zer dira familia desplazatuak? Kronika honetan Mexikoko errepresioa adibide bat, eta nola ez, erresistentzai eta aldarrikapena nola antolatzen den azalduko digute brigada kideek. 

Aurreko kronikan aipatu genuen bezala, Fraybak behaketarako brigada zibilak antolatzen ditu eta emergentzi egoera baterako laguntza eskatu digu. Burututako ekintza hauek "Rostros del Despojo" izeneko programa baten barruan daude, non komunitate indigenek jasandako injustizien eta inpunitatearen aurka lan egiten dute, salaketak eginez. Giza eskubideen urraketen egileak identifikatu eta ikusgarri egiten dituzte, Mexikoko gobernuari beraien beharrak betetzera behartuz eta aldi berean hauen indiferentzia salatuz.

Páginas

Suscribirse a Pueblos