Ni hil hilko nauzue... baina bihar itzuliko naiz eta miloika itzuliko naiz

Bartolina Sisa

Hemen zaude

Europar Batasunean burujabe? Hitzaldi bira

Aspaldian Askapenatik, begirada Europara zuzenduta dugu, eta konturatu gara nolatan Euskal Herrian, Europar Batasunaren inguruko kritika zabala den arren, ezjakintasuna ere handia dela. Baina, begirada zorroztuz gero, argi ikusiko genuke, Europar Batasuna Estatu kapitalisten interesak defendatzeko europako burgesiak sortutako eta yankiek finantzatutako egitura politiko ekonomiko eta militarra dela. Gutxiengoaren interesak defendatzeko, esplotazioan oinarritutako egitura zapaltzailea, beraz. Antidemokratikoa, kapitalista, inperialista, xenofoboa, arrazista, matxista, eta abar luze bat.

Herriok ez dugu burujabetzarik, egun. Ez dugu gure klase interesak defendatzeko tresna egokirik, eta gure artean borrokatzera bultzatzen gaituzte, bai gerra inperialistetan, bai gure herrietan, xenofobia, arrazismoa eta lehiakortasuna sustatuz. Eliteek zapaldurik nahi gaituzte, geldi eta isilik, burujabetzarik gabe, geure baliabideen kontrolik gabe. Ondo dakitelako herriok eta langileok burujabetza eskuratzen badugu, haien estrategiak huts egingo duela.

Ez dugu egoera xamurra Europan. Langileon esplotazioak pobrezia normalizatzen du gure auzoetan, eta subordinaziora kondenatzen gaitu. Kontrolak eta errepresioak goraka jarraitzen dute, herritarrok estrategia kapitalistari kolperik eman ez diezaiogun eta sistemak nahi bezala funtzionatzen jarrai dezan, ordenan, zuzen, herritarron askatasunaren kaltera. Arrazismoa eta xenofobia areagotzen doaz ultraeskuinarekin batera, eta itsasoak geroz eta hildako gehiagoren hilerri bilakatu dituzte. Hori gutxi balitz, 3 urtez luzatzen ari den Donbasseko gerra dugu Ekialdeko Europan.

"Apurtu kapitalaren Europa" kanpainaren barruan, Askapenatik eztabaida sustatzeari begira «Europar Batasunean burujabe?» deituriko hitzaldi bira antolatu dugu. Europako herrialde ezberdinetatik (Alemania, Herrialde Katalanak, Grezia, Italia eta Donbass) etorritako kide ezberdinekin batera, Euskal Herriko luze zabalean Europar Batasuneko eraginez hitz egiteko parada izango dugu, herrion burujabetza erdigunean jarrita. Horrez gain, Europako ezkerrak etorkizunari begira dituen erronken inguruan hitz egiteko aukera izango dugu.

Beraz, dei egiten diogu Euskal Herriko eragile sozial, politiko eta sindikalei nola herritarrei eztabaida hauetan parte hartzera. Jarri dezagun Europar Batasuneko afera gure burujabetzaren eztabaidaren barrenean. Ez dezagun utzi hainbeste eragiten gaituen inposaturiko egitura honen arazoa soilik eskumaren eskuetan. Egin diezaiogun aurre kapitalari.

Apurtu kapitalaren Europa!

EHXIT!

Gonbidaturiko kideak:

  • Arnau Carné (Endavant, Herrialde Katalanak)
  • Errikos Finalis (KOE, Grezia)
  • Christine Gerber (Interventionistiche Linke, Alemania)
  • Marta Collot - Lorenzo Trapani (EuroStop, Italia)
  • Alexey Albu (Borotba, Donbass)

 

 

Egitaraua:

  • Maiatzak 23
    • Donostia | 19:00 Marruma taberna
      • Faxismoari aurre egiten Europan | Alexey Albu (Borotba, Donbass)
    • Bilbo | Lekua zehazteko
      • Europar Batasunaren bihotzetik erresistentzia oihuak | Christine Gerber (Interventionistiche Linke, Alemania)
  • Maiatzak 24
    • Erromo | 19:00 Kultur etxean
      • Faxismoaren gorakada Europan | Marta Collot - Lorenzo Trapani (EuroStop, Italia), Alexey Albu (Borotba, Donbass) eta Christine Gerber (Interventionistiche Linke, Alemania)
  • Maiatzak 26 | Altsasu
    • Ordezkari guztiekin mahai ingurua
      • 11:00 - Europar Batasunean burujabe? (Iortia)
      • 17:00 - Inperialismoak milaka aurpegi ditu (Gure etxea)
  • Maiatzak 29
    • Gasteiz | 19:00 Landatxo aretoa
      • Europar Batasunaren aurkako esperientziak | Marta Collot - Lorenzo Trapani (EuroStop, Italia), Alexey Albu (Borotba, Donbass) eta Arnau Carné (Endavant, Herrialde Katalanak)
  • Maiatzak 30
    • Arrasate | 18:30 Irati Topalekua
      • Gerra Europaren bihotzean|  Alexey Albu (Borotba, Donbass)
  • Ekainak 1
    • Iturrama | 19:00 Erletokieta
      • Inperialismoari aurre egiten | Alexey Albu (Borotba, Donbass)
  • Ekainak 2
    • Iruñea | 17:00 Baratxurien plaza (Alternatiben Herria)
      • 5 errezeta burujabetza prozesurako | Alexey Albu (Borotba, Donbass)

 

Gehitu iruzkin berria