Humanismotik iraultza bereiziz gero, ezin liteke humanismo erabatekoa izan, eta iraultzatik humanismoa bereiziz gero, ezin liteke iraultza izan

Boris Bialik

G20 Akatu! David eta besteak askatu!

Gaurkoan hemen bildu garen eragileok prentsaurreko honen bitartez, dei egin nahi diegu Euskal Herritarrei David eta besteen askatasunaren alde eta G20aren kontra mobilizatzera.

Azken hilabetean, G20aren kontrako mobilizazioetan atxilotu zituzten lagunak epaitegietatik pasatzen hari dira. Batzuei kartzela zigorra ezarri diete, beste batzuk berriz, kalean geratu dira. Datorren astean ordea, irailaren 25ean Dabid bilbotarraren txanda izango da. Haien sententziek diotenaren gainetik, atxiloketa guzti hauek, G20aren kontestuan sistema kapitalista heteropatriarkarraren baitan erabakiak hartzen dituztenen aurrean altxatu zirenen kontrako sorgin eiza dela pentsatzen dugu. Modu horretan, ulertzen dugu, egun haietan bizi izan zen tentsio eta probokazio etengabea ikusirik, onartezina dela prosezu luze hau. Zoritxarrez, guzti honen pairatzaile izan da David bilbotarra. Eta gaur da eguna, oraindik ere ekilibristaren sokaren gainean aurkitzen da, Hamburgoko kartzelan, bere gertukoenengandik urrun. Zalantzarik egin gabe, atxilotutako kide guztien askatasuna exigitzen dugu. Dabid eta besteak askatu!

Hala ere, G20ak ekarriko dituen ondorioak, prosezu judizial, kartzela eta karga polizialetatik haratago joango direla ondotxo dakigu. Hamburgon hartutako erabakiek, gure bizitza baldintzatuko dute arlo guztietan ezbairik gabe, eta zentzu horretan, ezinbestekoa zaigu honen aurrean tinko hortzak erakutsi eta haiek ezarri nahi duten bizi eredua salatzea. Horregatik salatzen dugu G20a, horregatik joan ginen Hamburgora, eta horregatik borrokatuko dugu hainbeste baldintzatu nahi gaituen sistema hiltzaile honen aurka. Ez baitago beste jendarte eredu bat eraikitzerik, zapalkuntzan oinarrituta dagoen sistema baten baitan. Horregatik ozen ohiukatzen dugu: G20 Akatu!

Guzti hau kontuan hartuta, dei egin nahi diegu Bilboko eta Euskal Herriko herritarrei G20aren kontra eta David eta gainontzeko guztien askatasunaren alde gurekin batera, Bilbon, Irailaren 22an, ostiralez,  19:30etatik aurrera Arriagatik hasita manifestatzera.

G20 akatu! David eta besteak askatu!
Jo ta ke irabazi arte!

Euskal preso politikoen aldeko hitzaldia Parisgo Humanitatearen festan

Pariseko Euskal Herriarekiko Elkartasun komiteak Euskal Herriko eta bere preso politikoen egoera eraman du Humanitatearen Festara.

Asteburu honetan Humanitatearen Festa (Fête de l'humanité) ospatu da Parisen, urtero egiten den moduan. Eztabaida politikoerako, kultura herrikoiaren zabalpenerako eta musikaz gozatzeko tartea da festa hau. Pariseko Euskal Herriarekiko elkartasun komitea bertan izan zen euskal preso politikoen egoeraren berri ematen hitzaldi batean.

Abya Yalatik Berriozarrera urriaren 7an

Iñaki Gil de San Vicenteren hitzaldia Venezeualri buruz

ENTZUN | ESCUCHA

Herrialde Katalanak aurrera!

Momentu historikoa bizi dute Herrialde Katalanetan. Hurrengo hilabeteetan, Printzipateko etorkizuna dago jokoan. Datorren urriaren 1erako dago deituta erreferenduma eta hilabete honetan zehar xake partida honetako fitxa guztien posizioak argituko dira Katalunian estatu bat eskuratzeko borroka horretan.

Herrialde Katalanen zati batean autodeterminazio eskubidea burutuko den edo ez dago mahai gainean, baina hau ez da soilik neurtzen erreferendumaren egikaritzean. Autodeterminazioa bururaino eramango da prozesu independentista bururaino eramaten denean, hau da, Kataluniak bere baitan burujabetzarako tresna ekonomiko, politiko, militar zein kulturalak eskuratzen dituenean.

Historiak erakutsi digu, ordea, espainiar estatua ez dela herrialde demokratiko bat, ez duela herrion autodeterminazio eskubidea aintzat hartzen eta beraz, bere konstituzioak agintzen duen bezala, bere lurraldearen osotasuna bermatzeko dituen bitarteko guztiak erabiliko ditu galdeketa ekiditeko. 1936an zein 78an sortu ziren erregimenak, biak ala biak urte luzeko biolentzian oinarritu direnak, garaile eta garaituen logikan eraikiak, ez dute inondik inora ere herrion burujabetza onartuko. Beraz, hauek gainditu gabe, ezinezkoa izango da autodeterminazio prosezua bururaino eramatea.

Horregatik, da garrantzitsua desobeditzea. Zapaltzaileek eraikitako arkitektura legal, politiko, ekonomiko eta militarra gainditu gabe, ezin izango da herria autodeterminatu. Hausturak borrokarako determinazioa exijitzen du eta herria horretarako prestatu gabe, zaila izango da prosezua bururaino eramatea. Independentziak, haustura exijitzen du eta hausturak desobedientzia.

Askapenatik, Herrialde Katalanek bizi duten momentu historiko honen garrantziaz jabetuta, gure elkartasun osoa adierazi nahi diegu prozesu independentista bururaino eraman nahi duten indar guzti horiei. Eta nola ez, desobeditzeko prest zaudeten milaka eta milaka lagunei. Zuekin gaude! Zentzu horretan, Herrialde Katalanen askatasunaren bidean momentu historiko honek duen garrantziaz jakitun, dei egin nahi diegu euskal internazionalista guztiei Herrialde Katalanei elkartasuna adierazi diezaioten. Herriak astinduz, elkartasuna emanez, haiekin gaudela senti dezaten.

Per canviar-ho tot,
desobedientziaz, herriok burujabe!

Herrialde Katalanak aurrera!

Lurrak bere barrenetik dardar egin dezala autonomiazko epizentroekin

2018an Mexikon hauteskundeak edukiko dituzte, boto zuzenez 6 urteetarako presidentea aukeratzeko, eta baita parlamentua eta senatua osatzeko ere. Hauteskunde bakoitza iristerakoan, horien garrantzia azpimarratzeko beharra edukitzen den arren, Mexikon datorren urtean edukiko dituzten hauteskundeek garrantzi berezi bat hartzen dute behetik eta ezkerretik pentsatzen dutenentzat. CNI-ak (Congreso Nacional Indígena), ordezkari bat aurkeztuko du Mexikoko presidentetzarako, Marichuy, indigena, 524 urteetan zehar jasandako zapalkuntza eta umiliazioaren aurkako sinboloa, eta emakumea, sistema patriarkatu honek gehien sufriarazten duen erdi horren duintasuna ikusgarri egiteko. CNI 1996ko urrian sortu zen, Mexikoko jatorrizko herri, tribu eta nazioentzako elkartasun, gogoeta eta organizazio gune bezala, sistema kapitalistaren aurka borrokatuz, kultura eta herri guztiek lekua edukiko duten Mexiko bat eraikitzeko helburuarekin.

2016ko urrian, EZLN-k orain arte defendatutakoaren oso bestelakoa zirudien proposamen bat eraman zuen CNI-ren 5.Kongresu Nazionalera: 2018ko hauteskunde presidentzialetara, hautagai independiente moduan, emakume indigena bat aurkeztea. Espero zuten moduan, zalaparta handia sortu zen ordezkari ezberdinen artean, baina eztabaida luze baten ondoren EZLN-ren proposamenak aurrera egin zuen kongresuan. Ondoren, CNI-a osatzen duten ordezkariek beraien herrietara jo zuten, bertako asanbladetan hautagaitzaren inguruko eztabaida eman zedin. Prozesu luze baten ostean eta herri guztietako pertsonen gehiengoak proposamena onartuta, CNI-k hautagaitza bere egin eta publiko egin zuen.

Irakurri osorik

Orriak

Subscribe to Askapena RSS
randomness