Zatozte borrokara eta bat egin bataila luze honetan litekeen kausarik zintzoenaren alde: gizon-emakumeen askapena

Bob Dyle

Irlandari so

republican fightersIrlandako bake prozesuaren oinarriak paratu zituen Stormont-eko akordioen 10. urteurrena bete zen Apirilaren 10an. Akordio horren inguruan eta Irlandako gaur egungo egoeraren inguruan, oro har, solastu ziren Xorroxin irratikoak Askapenako Jonekin:

Zeintzuk izan ziren hitzarmenaren oinarriak, eragile bakoitzaren jarrera, Ipar Irlandaren etorkizuna...

 

Entzun hemen elkarrizketa...

 

Irlandako bake akordioak 10 urte

StormontEgunotan 10 urte betetzen dira Irlandan bake akordioa -Ostiral Santuko Akordioa- sinatu zutela. Momentu egokia da, beraz, herri borrokalari horren prozesu politikoaren gaineko gogoeta egiteko.

Azpimarratu behar da 1998an Sinn Feinen apustua ausarta ez ezik arriskutsua ere izan zela, baina argi ikusi zuten errepublikarrek akordioaren oinarriak sendoak zirela eta gatazka konpon zezakeela: momentuko soluzioak ekarri eta etorkizunerako aukera guztiak egingarriak zirela bermatzen zuen. Horrela, gatazkaren korapiloak diren lurraldetasunari eta autodeterminazioari erantzunez, marko politiko berria ezarri, nazio mailako erakundeak sortu eta independentziari ateak zabaldu zizkioten.

Hamar urte pasa dira eta bake prozesuak aurrera jarraitzen du. Iparraldeko autonomia martxan dago eta unionistek eta errepublikarrek, zailtasunak zailtasun, gobernua partekatzen dute. Bestaldetik, aurrera pausoak kostata egin dira Britainia Handiko eta Irlanda hegoaldeko estatuek ez dutelako 10 urteotan prozesua elikatu, muturreko unionisten jarrera oztopatzailea baizik. Izan ere, bi estatuek errepublikarren zatiketa bilatu dute gaur egungo estatusak bere horretan jarrai dezan, nork bere botere gunetik irlandarrak zapaltzen segitzeko.

Hala ere, ez dute lortu Sinn Fein eta mugimendu errepublikarra ahultzea, hauek oztopoei ekimen politiko ausartekin erantzun dietelako. Gainera, euren konpromisoei eutsiz,, azkenean, muturreko unionistek ere -hasiera batean bake akordioaren aurka zeudenak- bat egin behar izan dute. Hori dela eta, prozesua berbideratu zen orain urtebete DUPk eta Sinn Feinek gobernua partekatzea adostu zutenean.

Euskal Herrian asko ikasi dugu irlandarren borrokaz eta bake prozesuaz. Lehenik, estatu inperialistek prozesua geldiarazi nahi izango dutela, baketzea lehenesten eta normalizazioa atzeratzen ahaleginduko direla, mugimenduaren zatiketa bilatuko dutela, iritzi publikoaren manipulazioa areagotuko dutela... Bigarrenik, hasiera batean indar politikoren bat negoziazioen aurka egotea ezin dela aitzakia izan akordioa erdietsi eta aurrera egiten hasteko. Azkenik, bake akordioak momentuko soluzioak ekarri behar dituela eta etorkizunerako aukera politiko guztiak benetan egingarriak direla bermatu. Beste hitz batzuekin esateko, demokratikoa den marko -autonomia- berria lurraldetasunari eta erabakitze eskubideari zehaztasunez erantzuten diona -7 urtean behin egin dezakete Irlandako uhartea batzeko erreferenduma-. Laburbilduz, eskubide oro bermatzen duen akordioa. Horrela, helmuga herritarren nahia duen trantsizio berria hasten da. Hortaz, badakigu estatuak eta unionistak prozesua moteltzen ahaleginduko direla, baina negoziazioak eta prozesua benetako borroka frente bezala hartzen badira eta bulegoen mahaietatik kalera ateratzea lortzen badira, ezingo dute prozesua geldiarazi.

Hortaz, eskerrik asko, irakatsitakoagatik eta Euskal Herriarekiko beti erakutsi duzuen elkartasunagatik; eskerrik asko Irlandako euskal komiteei, Sinn Feini, Ogra gazte erakundeari eta Coiste preso ohien elkarteari.

Amaitzeko, gure elkartasun internazionalista osoa daukazue bake akordioa gauzatzeko, Irlanda bateratu eta sozialistaren bidean aurrera egin dezazuen. Eta, bereziki, bestelako urteurrena gogoratu nahi dugu, orain hogei urteko martxoan Mairéad Farrell, Dan McCann and Sean Savage IRAko kideak Gibraltarren britainiar Armadak akatu zituen. Geuk ere ez ditugu ahaztuko.

Gure eguna iritsiko da.

Gazte independentistak OSFren kongresuan

Gazte independentistek Ogra Sinn Feinen kongresu nazionalean parte hartu dute. Bertan euskal herriak bizi duen gatazka politikoa gainditzeko irlandar prozesuan giltza izan zen herriaren hitza eta erabakiarekiko errespetua aldarrikatu dute irlandar eta euskal gazteek. Gazteok Ipar Irlandara egiten dugun bisita hau ez da baina isolatua. Prozesuaren haustura eman eta hurrengo egunetik mundu osoko hainbat eragile ezberdinekin konpartitu dugu gatazka konpontzeko oinarrien inguruko eztabaida.

Gatazka konpontzeko oinarri demokratikoen aldeko aldarria zabaltzea helburu izanik, azken hilabeteetan egonak gara Danimarka, Hego afrika, Grezia, Italia, Kurdistan, Alemania, Frantzia eta beste hainbat herrialde eta estatuetako gazte erakundeekin. Oraingoan Ogra sinn feinen kongresu nazionalean egon gara. Bertan Irlandako prozesua ikasgai izan dugu, eta bertatik gure posizio politikoan indarturik atera gara.

Kongresuan 5 erresoluzio ezberdin onartuak izan dira aho batez euskal gatazkari dagokionean. Bertan Segiren izaera politikoa aldarrikatu eta terrorista bezala definitzen dituen sententzia arbuiatzeaz gain. Segi gazte erakundearekin harremanetan jarraitu eta sakontzeko erabakia hartu dute. Aldi berean euskal preso politikoekiko elkartasuna eta egun estatu espainol eta frantsesak izandako jarrera errepresiboa gogor gaitzetsi dute.

Irlandan bezala euskal herrian, hitza eta erabakia dira gakoa. Irlandar prozesua luzea izan zen baina bi parteek erakutsi zuten borondatea batak bestearen interlokuzio politikoa onartu eta gatazkaren oinarriei erantzun eta erabaki eskubidea oinarri izango zuen prozesu politiko bat martxan jartzeko.

Ograko eta gazte independentistetako kideen arteko egonaldian horixe nabarmendu da lehenik eta behin bi prozesuen arteko parekatzea irudikatzerakoan. Espainiar estatuak ez du inolako borondaterik erakutsi herri honen bake eta askatasun egarriei erantzuteko. Irlandak gazteek beraien harridura adierazi dutelarik Espainiar estatuak bai prozesuan zehar zein hau amaitutzat emandakoan izandako jarrerarengatik. Azken hilabeteetako errepresiboki emandako jauzia gogorki kritikatu dute aldi berean.

Irlandar gazteek beraien laguntzeko prestutasuna adierazi digute eta herri honen eskubideen onarpenerako borroka honetan bidelagun izango ditugula berretsi digute.

2. Kongresuaren edukiak:

* OSF egun 300 militante izanik hurren urterako bere buruari militantzia kopurua bikoiztea jarri dio helburu. Honekin irlanda eta ipar irlandako 26 kondadoetan antolatu eta bertan beraien lana garatzeko baldintzak sortu nahi dituzte.
* Kongresuan Ogra sinn feinek bere arlo sozialean sakontzeko hautua egiten du. Norabide honetan hainbat erresoluzio onartu dituzte bai OSF eta ikasle zein langile sindikatuen arteko harremanetan sakontzeko zein Irlandaren etorkizunari zuzenan kolpatzen dioten hainbat proiektu estrategikori ( M3 autopista, Shellen planta... ) aurre egiteko.
* Aldi berean eta NARC ( No another ravaged comunity ) kanpaina nagusiaren bitartez egun gazteengan alkoholak eta drogak duten eraginari aurre egin nahi diote. Aisi eredu alternatiboak beraien komunitate izaera indartuz aurre egiteko. Informazio izango da kanpaina hau aurrera ateratzeko tresna nagusia eta bide horretan kokatuko dituzte beraien lan talde guztiak lehen sei hilabeteetan.
* Nazioarteari dagokionean, beraienak egiten dituzte kokakola eta nestleren aurkako boikot kanpainak.
* Beraien elakartasun adierazten diete imperilaismoaren erasoa jasan dituzten herriei ( irak palestina ).
* Beraien harremanak venezuela eta cuba bezalako erreferentzizko mugimenduekin garatzeko konpromisoa hartzen dute.


3. Elkarrizketa OSF: Barry mc colgan osfren kordinatzaile nazionala

* Gaurkoan OSF-k bere kongresu nazionala ospatu duen honetan zeintzuk dira kongresu honekin dituzuen helburuak?
* Lehen helburua militantzia hurrengo urtean bikoiztea da. Momentu honetan eta OSFn egituraturik 300 gazte daude, gure helburua zifra hau bikoiztea da eta hurrengo urteko kongresuan 600 militante izatea da. Hala ere, gure kanpaina nagusia ez da barne beharrei begirakoa. Hurrengo sei hilabeteetan gure lan lerro nagusia NARC ( Not another ravaged comunity ) kanpaina izango da. Haren bitartez, egun Irlandan droga eta alkoholaren kontsumo arazoaren ondorio den gazteen isolamendua gainditu eta informazioa zabaldu nahi dugu beste aisialdi eredu baten bila..
* Nazioartea ere gai garrantzitsua izan da, onarturiko proposamenei begiratzen badiegu. Zer nabarmenduko zenuke?
* Irlandari dagokionean lehen gaia europar eraikuntza prozesuaren aurrean OSFren posizioa definitzea izan da. Irlandan ez da gauzatu Frantzian edo Espainian eman zen erreferenduma eta hortaz garrantzitsua deritzogu herri honek ezezko borobil batekin erantzutea Lisboako proposamenari. Sinn Fein da berez irlandar eskenatoki politikoan tratatu honi ezeko borobila emateko hautua hartu duen indar bakarra. Honetarako arrazoi asko daude. Irlandes bezala ez dugu sinesten egungo eredu eskuindar eta inperialistan. Gure alternatiba indartu nahi dugu, herrien europa eta ezekoa bide horretan urrats bezala ulertzen dugu. Eta azken batean 800 urtez imperio baten menpe egon ostean ez dugulako onartuko beste imperio batek irlandar herriaren burujabetza eztabaidan jartzea.
* Honetaz gain, kongresu honek balio izan du gure aldekotasuna adierazteko egun naizoartean martxan dauden bi boikot kanpainei: coca cola eta nestleren aurkako boikot kanpainena hain zuzen ere.Kanpaina honi garrantzi berezia ematen diogu langileen eskubideen aurkako erasoa delako. Koka kolak paramilitarrak erabiltzen ditu langileen kontra.Sindikatuek eragiten duten bezala gazteek ere lan egin behar dugu boikotaren aldeko eta enpresen aurkako ohiua zabaltzen.
* Kanpo delegazio hainbat, haien artean Euskal Herriko gazteak ere bertan izan dira, zein da beraien ekarpena eta zertan oinarritzen da?
* Urte luzeetako harremanaren ondorioz Segiren erreferentzia garrantzitsua da Irlandan,. Jarraietik hasi eta Segitik jarraituz erreferentziala da gazte erakundeak duen antolaketa eredua. Gatazka sozial eta politikoan eragiteko duen gaitasunak eta errepresioaren gainetik lanerako duen grinak harritzen gaitu.Euskal gazteak hemen izateak gure kongresuan, euskal gazteriak bizi duen egoera errepresiboari erantzun ahal izateko aukera ezin hobea da. Gazte independentistekin elkartuz gure elkartasuna adierazi nahi diegu, Segiri agur bero bat bidali. Azken batean, Espainiar Estatuak eta Frantziarrak Euskal Herrian egiten daudenaren aurrean erantzun beharra dagoelako hemendik ere.
* Eta gazteok zer ekarpen egin dezakegu norabide horretan?
* Gazte eragileok gazteak koka ditzakegu konponbiderako motore moduan. Kontzientzia zabalduz etorkizun inbertsio bat egiten ari gara azken batean. Baina haratago gazteok ere eztabaida politikoaren testuinguruan eta gatazka egoerari dagokionean borrokaren testigua hartzen lehenak izan behar dugu.
* Luzea da zuen harremana euskal herriarekin eta izango duzue egun bizi den egoeraren berri. Jakinik hemen Irlandan gatazka konpontzeko prozesu politikoa bere onera eramateko gai izan zinetela. Zeintzuk dira hemendik atera daitezkeen gako erabilgarriak euskal herriak bizi duen gatazka gainditzeko?
* Gatazka guztiak ezberdinak dira. Eta irlandarrek ezin dugu euskal herriak hautatu behar duen bidea erabaki. Hala ere badago hemendik ikasi eta euskal herrian erabilgarri den ideiarik. Guk bi ideia nagusi nabarmenduko genituzke. Alde batetaik bai etxean zein nazioartean konponbiderako bideak irabazten duen babes herritarra garrantzitsua da. Hemengo prozesuan erabakiorra izan zen irlandar diasporaren papera eta horregatik uste dugu eta lagunntzeko bidea hartu dugu euskal gatazka konpontzeko oinarriak munduan zabaltzerako orduan. Eta beste alde batetik guztiz ikusten dugu islatuta ezker abertzaleak konponbiderako jarri duen gogoan guk irlandan bere garaian egin genuen apustua. Ez dena ulertzen ahal honen aurrean espaniar zein fgrantziar estatuek egindako hautu errepresiboa da. Bake eta konponbide gogoei ezin zaie atxiloketa, tortura, ilegalizazio etabarrekin erantzun.

Brigadista bati eginiko heriotz mehatxuak direla eta salaketa egin dugu

Atzo Bilboko epaitegien aurrean prentsaurrekoa eman genuen salaketa eta horren aurreko gure jarrera publiko egiteko, hauxe duzue testua oso-osorik:

 [flickr-photo:id=2889725656,size=s]  [flickr-photo:id=2889729378,size=s]  [flickr-photo:id=2889720034,size=s]  [flickr-photo:id=2889727496,size=s]

argazki galeria

"Gaur hemen bildu gara publikoki salatu nahi dugulako Askapenak azken aldian jasan duen jazarpen eta intoxikazio mediatiko kanpaina handia, gure jardunaren kriminalizazioa helburu duena. Erantsita daukazue dossierra horren berri hartu nahi duenarentzat. Baina ez da kasualitatea espaniar estatuko hedabide askotan: el país, el mundo, el coreo, antena3, tve, abc, la razón... bai eta Chileko El Mercurio, edota Colombiako UNO telebistan, azken bi urteetan jasan behar izan ditugun gezurrak.

 

Nondik atera dituzte informazioak "kazetari" hauek?

 

Gure jarduna publikoa eta ezaguna da Euskal Herrian eta munduko herri askotan. "Kazetari" hauen iturriak espaniar eta bere gobernu lagunen barne ministerioetan daude.

 

Azken aldian 'dena ETA da' kontsignak denetarako balio duenez gero, horixe ari dira erabiltzen Askapenaren kontra, lehenago beste hainbat erakunde eta herri mugimenduren kontra egin duten bezala.

 

Kasu honetan herrien arteko elkartasun internazionalistaren txanda da, hori da delitu berria.

 

Eta elkartasunaren kriminalizazioak kezkatzen bagaitu ere, gehiago kezkatzen gaitu estatuen gerra zikinak.

 

Hemen daukazue Askapenaren brigadista batek, epaitegietan jarritako salaketa.

Izan ere, uztailaren 20an gaueko 23:30etan etxean zegoela dei bat hartu zuen bere sakeleko telefonoan, deiak Venezuelako aurrezkia zekarren eta bestaldean kolonbiar azentuarekin mintzatzen zen pertsona batek 'Gabon!' esan eta barrezka hasi zen, 'Aguilas Negras gara, eta zuek Europarako FARCen bozeramaileak zarete', 'zuen atzetik gabiltza eta hilko zaituztegu, eroriko zarete!'

 

Askapenak urteak daramatza Kolonbiarekiko elkartasuna lantzen, beti egin izan dugu konponbide justu baten alde, aldeen arteko giza hitzarmenen alde, eta bide horretan, ezinbestez, beti egongo gara injustiziak, oligarkia, transnazionalak eta yankeen presentzia borrokatzen dituztenen alde.

 

Adibidez, iazko Martxoaren 6an Bilboko kaleetan ibili ginen beste talde askorekin batera paramilitarrek eta kolobiar estatuak eragin dituen biktimen aldeko martxan.

 

Arrazoi beragatik, azken urtean Coca Colaren aurkako euskal boikot ekimena bultzatu dugu, Euskal Herriko beste eragile batzuekin batera. Zergatik? Bada "Aguilas Negras" talde horrek, euskal brigadista mehatxatu duen horrexek, SINALTRAINAL sindikatuko Coca Colako 9 sindikalista hil dituelako, hamarnaka ihes eginarazi, aurten bertan, sindikalista baten semea bahitu eta torturatu zuten eta mehatxuak berritu dituzte.

 

Bada, argi eta garbi esaten diegu Kolonbiar eta Espaniar estatuei, transnazionalei, oro har, eta Coca Colari bereziki: segiko dugu boikota Euskal Herrian zabaltzen, eta ez izan dudarik, herri honek erantzungo duela, apurka-apurka Euskal Herria Coca Colarik gabeko gune erraldoi bat bihurtuko dugu eta munduan elkartasun ekimen hau bultzatzen duten beste hainbat eragileekin batera ere, Coca Colaren irribarre zuria belztuko dugu, barnean duen benetako kolorea agerian uzteko. Orain arte bezala, Kolonbiarekiko elkartasuna jorratzen segiko dugu, paramilitarismoa eta parapolitika salatzen, bai eta bere konplize eta bultzatzaileak direnak ere, Kolonbiako herri ezin duinagoak lehenbailehen justizia eta bakea lortu ditzan.

 

Kriminalizazioa, beldurra, errepresioa edota gerra zikinak ez dute etengo herrien arteko elkartasuna.

 

Hamaika herri, borroka bakarra!

 

Elkartasuna herrien arteko samurtasuna!

 

Askapenaren aurkako intoxikazio mediatikoak

El Pais egunkarian (2008/VI/01); Askapena ilegalalizatu duten "Batasunaren nazioarterako propaganda eta agitazio sarea" garela zioten bai eta erakunde terroristek biadaiak eta harremanak egiteko "plataforma" izatea leporatu ere. http://www.elpais.com/articulo/reportajes/embajadas/ETA/elpepusocdmg/200...

El Mundon (2008/06/07) ere "Latinoamerikan proselitismoa egiteko Batasunaren nazioarterako erakundea" izatea leporatzen digute http://www.elmundo.es/elmundo/2008/06/07/espana/1212867060.html

ABC egunkariaren arabera, berriz, (2007/11/15), Askapena latinoamerikan "terroristak errefuxiatu daitezen santutegi berriak bilatzen ari da"
http://www.abc.es/hemeroteca/historico-15-11-2007/abc/Nacional/el-comple...

Eta Colombiako aferera etorrita El Correo egunkariak (2008/03/07) deskubritu omen zuen Askapenako buruzagi bat Raul Reyes, erail zuten FARC-eko idazkaritzako kidearen ondoan eserita. Oso bitxia, izan ere, aragazkia Ecuadorreko Quiton CCB erakundeak ospatu zuen mintegian aterea da, eta 'Raul Reyes' omen dena CCBko Txileko kide bat da.
http://www.elcorreodigital.com/vizcaya/20080307/politica/numero-farc-ten...

Argazki hori bera, baina Txileko laguna Raul Reyes zela esatera ausartu gabe Colombiako 'El Tiempo' egunkariak atera zuen (2008/03/07) http://www.eltiempo.com/archivo/documento/CMS-3989615

Azken aldian Colobiarengatik eginiko jazarpen mediatikoa areagotu besterik ez da egin, Uno Colombiako albistegian Colombiara joandako azken bost brigadistaen argazkiak agertzen ziren ETAko ustezko kide legez FARCeko presoei kartzelan eginiko bisita zela eta. http://link.brightcove.com/services/player/bcpid1631252366?bctid=1636622491.

Eta espaniar estatuan ere Informe Semanal saioan (2008/VI/21) Askapenak bere XX. urteurrena ospatzeko atera zuen bideoa (hainbat herrialdetako erakunde eta taldeen agurrekin) FARCen agurra erabili zuen FARC eta ETAren artean omen dauden harremanen froga nagusitzat.
http://www.informesemanal.tve.es/FRONT_PROGRA

 

MAS?go=111b735a516af85ccdc4135d9df82c2e123009d61eb00f778b60af793b191c310de7d44488a3f7e41b9b7a1483b878ac176bdd92aa12976186ace19ec44756af3394b665cdef5686

 

 

Historia del paso a paso

Tras haber recorrido un tramo de 222 peldaños, el formato de esta herramienta comunicativa llega a su fin. Damos por hecho que la comunicación que hemos mantenido hasta ahora va a continuar y mejorar con un formato y unos ritmos diferentes. En cualquier caso, es un buen momento para agradecer a todas aquellas personas que dieron cabida en sus respectivos buzones informáticos a nuestro humilde boletín. Por nuestra parte, hemos procurado mantenernos fieles al compromiso informativo que asumimos. Por parte de muchos receptores ha habido una acogida reafirmada cada vez que el sistema, con rigor mecánico, solicitaba confirmación para seguir enviando el "Paso a Paso".

Consideramos que también es un buen momento para hacer una pequeña reflexión en torno a lo que ha sido esta experiencia que ha durado 10 años

[video:http://youtube.com/watch?v=jYgeEmBubig]

 

Orriak

Subscribe to Askapena RSS
randomness