"Garapenerako bidean dauden herriak", auzokoen garapenak zapaldutako herriei adituek ematen dieten izena da

Eduardo Galeano

Palestinagatik Palestinarekin

Unaiz Vázquez-GAUR8

Mundu osoan ari dira Palestinaren aldeko mobilizazioak egiten. Oso jendetsuak. Ondo.

Euskal Herrian izan diren mobilizazio gehien-gehienak Israeli boikot egiteko aldarriarekin egin dira. Oso ondo.

Beroan mobilizatzera garamatzan elkartasun sentimendua boikot ekimenak behar duen eguneroko lanetara bideratzen dugunean... orduan bai ederki!

Izan ere, sionistek Gazako sarraskia bukatutzat ematen dutenean, Palestinak okupatuta segiko du, 5 miloi pasa errefuxiatuk beren etxeetatik urrun segiko dute, lotsaren harresia gehiago luzatuko da, kolonia sionistak perretxikoak udazken umelean bezala haziko dira, preso palestinarrak akabatze-espetxeetan akabatuko dira, bizitzaren arbolak diren olibondoek milaka urteetan zabaldutuko erroak lurretik erauziko dituzte heriotzaren makina sionistek.

 

elkartasun astea 09

bannerra

THE BASQUE COUNTRY DOES NOT WALK ALONE.

DEMOCRACY AND SELF-DETERMINATION!

To all those who are in solidarity with the Basque Country!

To all political and social organisations, to the popular revolutionary movements!

TO ALL THE FRIENDS OF THE BASQUE COUNTRY PLATFORMS THROUGHOUT THE WORLD!

ASKAPENA, Basque internationalist organisation, calls for action in the International Solidarity With the Basque Country Week which will take place from the 6th to the 15th February 2009.

computer-banner   street-banner   radio-calling   video-spot

Bi begi keinu Euskal Herriari

Bi begi keinu heldu zaizkigu berriki Lisboako Euskal Herriaren Lagunek (ASEH) bidalita bat eta diaspora konprometitutik bestea.

Berriki Bernardo Arregi Tejedor "TITO" zendu zen (iazko abenduaren 29an) eta ASEH-koek bera ezagutu zutelako agur gisa komunikatu bat atera zuten bere omenez. Beherago irakurgai duzue.
Gainera, Argentinako bi furbol jokalarik Euskal Herriko selekzioaren alde agertu dira hango diasporatik jakinarazi digutenez. Hau ere beherago duzue irakurgai.

Palestinari elkartasuna eta Israeli Boikota adierazteko mobilizazio gehiago

Gaur Barañainen iluntzeko 19:00etan herriko hainbat taldek deituta elkartaratzea egingo dugu 19:30etan, udaletxearen aurrean.

Eta asteazkenean Gasteizen "Sarrakiaren aurrean, Israeli boikot" Askapenak manifestazioa deitu du 19:00etan korreosetik irtenda.

Palestina askatu!

Israeli boikot!

Iruñeako manifestazioa eta beste

Atzo Iruñean 3.500 euskal herritar batu izanak pozez eta ilusioz bete gaitu. Euskal Herritar ugari, komunitate arabiar eta islamiarretik ere parte hartze izugarria, denok bero eta gogotsu, oihuka, aldarrika...

Bukaeran aiderazi genuen bezala, atzokoa ez genuen egin 'geu inorengandik' bereizteko, baizik eta Palestinarekin elkartasuna gauzatzeko modurik eraginkorrena Israeli boikot egitea dela argi eta garbi aldarrikatzeko.

Izan ere, elkartasun sentimenduaren beroan mobilizazioak asko ari dira izaten, baina berotasuna hozten denean boikota praktikatzea eta arloz arlo hedatzea izango da gure lana, Palestinak berdin jarraituko duelako elkartasun beharrean. Euskal Herrian sionismoarekin harremanak izatea 'anormala' izatea lortzen dugunean (ekonomia, politika, kirol, irakaskuntza zein kultur arlotan), nahiz eta gurea herri txikia izan, ez izan dudarik Palestinarentzat aurrera pausu handia izango dela. Eta Euskal Herriarentzat ere bai.

Zorionak ematen dizkiegu neurri berean Donostian eta Baionan manifestatu zirenei, baita gaur Bilbon eta Arbizun egingo dutenei eta datorren astean Brañain edo Gasteizen egingo dutenei.

Gora Euskal Herria Askatuta!!!

Gora Palestina Askatuta!!!!

argazkiak hemen

Palestina Askatu! Israeli Boikot!

Gaur Iruñeko Askapenaren egoitzan prentsaurrekoa eskaini dugu, bertan Askapenako kideez gain Nafarroako hainbat erreferentzia pertsona agertu dira, hala nola, Igor Arroyo (LAB), Jose Mari Espartza (Txalaparta-Argitaletxea), Aitziber Sarasola eta Nestor Esteban (euskaltzaleak) bai eta Arbizu, Zizur Nagusia eta Tafallako hautetsiak ere.

Heldu den larunbatean, urtarrilak 10, arratsaldeko bostetan, Iruñeko autobus geltoki zaharretik. manifestazioa irtengo da "Palestina askatu, Israeli boikot!" lelopean. Horrez gain, euskal herritar guztiei dei egiten diegu Palestinarekin elkartasunez eta Israel aktiboki salatzeko deitzen diren mobilizazio guztietan parte hartu dezaten: ostiralean Oreretan eta Nafarroako parlamentuan, larunbatean bertan Baionan eta Donostian, eta igandean Arbizun udalak deituta.

Gaur Iruñeako Askapenaren egoitzen prentsaurrekoa eskaini dugu, bertan Askapenako kideez gain Nafarroako hainbat erreferentzia pertsona agertu dira, hala nola, Igor Arroyo (LAB), Jose Mari Espartza (Txalaparta-Argitaletxea), Aitziber Sarasola eta Nestor Esteban (euskaltzaleak) bai eta Arbizu, Zizur Nagusia eta Tafallako hautetsiak.

Hemen duzue prentsaurrekoan letutako testua eta ondoren bestelako deialdi batzuk ere:

Gazan azken bi asteotan gertatzen ari dena, Israelen benetako izaera agerian utzi du. Ehunka hildako izan dira, asko eta asko zibilak eta asko eta asko haurrak.
Gazako lurralde bat, non milioi eta erdi pertsona 340 kilometro koadron bizi diren erasotzea jarduera kriminala da. Baina zoritxarrez ez da mota honetako lehena izan.
Gaza blokeo kriminal pairatzen ari da azken urteotan, populazioari sendagairik gabe, janaririk gabe, erregairik gabe eta mundutik isolaturik utziz.

Zisjordanian ere ederki dakite zer den okupazio sionista: Harresiak lurra lapurtu die, chekcpointak edo kontrolak gero eta ugariagoak dira (500 baino gehiago Nafarroaren erdian den lurralde batean), koloniak bertan jarraitzen dute, 11.000 preso politiko daude...

Israel ez da estatu demokratikoa eta ez da inoiz izan. 1948-an sortu zenean, garbiketa etnikoan oinarritu zuten, palestinarrak hil eta euren etxeetatik kanporatuz. Naqba, Hondamendia, deitzen dioete horri palestinarrei. Horren ondorioz, bost milioi errefuxiatu palestinar daude.Jaio zenetik, bazterkerian oinarrituriko Estatua da Israel, Estatu sionista.

Bitartean, nazioarteko komunitateak, Europako Batasuna eta estatu espainola eta frantsesa barne, Israelen sarraskiaren aurrean begiak itxi egiten dituzte.
Horren aurrean, guk boikotarekin bat egiten dugu. Zergatik?

200 elkarte palestinarrek eskatu dutelako eta Hegoafrikan apartheidarekin amaitzeko tresna eraginkorra izan zelako.
Horregatik, Israelek palestinarren eskubideak errespetatzen ez dituen bitartean, Euskal Herriak Estatu sionista boikotatzearen alde azaltzen gara. Ondorioz, Euskal Herrian ematen den edozein adierazpen sionistaren (kultura, politika, erakunde edo kirol arlokoa) gaitzespen publikoa egingo dugu. Estatu sionistarekin harremanak dituzten enpresa, elkarte eta erakunde publikoak publikoki salatuko ditugu. Israelgo jatorria duten produktuak edo okupaziotik onurak lortzen dituzten enpresen produktuak baztertuko ditugu. Honez gain, Israelen benetako izaerari buruzko informazioa zabalduko dugu.

Ildo honetan, manifestazio batera deitzen dugu heldu den larunbatean, urtarrilak 10, arratsaldeko bostetan, Iruñeko autobus geltoki zaharretik. Horrez gain, euskal herritar guztiei dei egiten diegu Palestinarekin elkartasunez eta Israel aktiboki salatzeko deitzen diren mobilizazio guztietan parte hartu dezaten: ostiralean Oreretan eta Nafarroako parlamentuan, larunbatean bertan Baionan eta Donostian, eta igandean Arbizun udalak deituta.
PALESTINA ASKATU!
ISRAELI BOIKOT!

Orriak

Subscribe to Askapena RSS