Bi herri ditut maitatzeko eta mundu bat bere alde borrokatzeko

Pakito Arriaran

Askapena: “Erresistentzia helburu duen gobernu bat garatzea ekidin nahi du Israelek”

info7info7-Kalegorrian

Askapenako Martxelo Diazekin hitz egin dugu Israelek Gazan daraman erasoaldiaren inguruan. Azken erasoaren aurretik ere Gazan bizi zuten blokeo egoeraz eta nazioarteak azaldu duen hipokresiaz hitz egin digu. Datorren larunbatean 17:00etan manifestazioa deitu du Askapenak Iruñeko autobus geltoki zaharretik abiatuta.

Bestalde Arbizuko udalak igandean 19:00etan deitu du elkartaratzea. Arbizu Palestinako Marda herriarekin senidetuta dago.

entzun hemen.

50 AÑOS VENCIENDO

Fidel, Che y RaúlHan pasado 50 años desde aquel 1 de enero de 1959, cuando con la huida del dictador Batista triunfaba la Revolución en Cuba. Fidel Castro entraba triunfante en Santiago de Cuba donde le recibía el pueblo con alegría desbordada. A La Habana arribaron Camilo Cienfuegos y Che Guevara bajo el calor de una multitud que recibía a los comandantes del Ejército Rebelde. No fue hasta el 8 de enero cuando llegó Fidel a La Habana tras recorrer la isla, de oriente a occidente.

 

Palestinako koiuntura-azterketa

Israeli boikotIsraelgo Armada Gazan burutzen ari den sarraskiak Estatu sionistaren benetako itxura eman du. Mundu osoko komunikabideetan azaldu dira Gazako biztanleek pairatzen duten egoera isladatzen duten irudiak. Baina Gazako hiritarren sufrimendua ez zen abenduaren 27an hasi. Urteak dira lurralde palestinar honek Israelen blokeo kriminala pairatzen duela.

Sakanan, Busturialdean eta Bilbon mobilizazio gehiago...

Altsasuko elkartaratzeaAurrera jarraitzen dute Euskal Herriko hainbat herritan Palestinarekin elkartasunez, sionismoari STOP aldarrikatzen ari diren mobilizazioak, guztiak Israeli Boikota egiteko deiaz lagundurik.

Bermioko maniferstaldia

Sakanan atzo 80 lagun batu ziren bertako gazte asanbladak eta Askapenak deituriko elkartaratzean. Busturialdean, berriz, Gernikatik Bermiora kotxe karabana egin zuten eta Bermion 150 lagunek manifestaldia eta ondoren ekitaldia egin zuten. (Beherago kronika duzue).

Bilboko manifestaldia

Azkenik Bilbon manifestaldi jendetsua egin zen (700 bat lagun) Arriagatik Moyuara arratsaldeko 19:00etan "Palestina Askatu" lelopean. Hainbat taldek batera babestuta egin zen aurrera (EHko arabiar komunitatea, EHko islamiar komunitatea, Askapena, Komite Internazionalistak, ELA LAB, STEI-LAS, AZRAF elkarte marrokiarra...).

Bukaeran denek adostutako testua letu zen, non erasoa salatu, Palestinari elkartasuna adierazi eta Nazioarteko pasibokeria eta konplizitatea salatzeaz gain, Israeli Boikota egitearen beharra azpimarratu zen. Argazkiak hemen ikusi ahal dituzue.

Euskal Herriak sionismoari STOP!!!

gasteizko elkartaratzeaHerri eta hiri askotan ari dira mobilizazioak egiten eta Askapenatik mobilizazio guzti hauei babesa eta bultzada ematen diegu. Astelehenean Bilbon eta Iruñean izan ziren, mila lagun inguru atera ziren Bilbon eta  ia 200 Iruñean, atzo Gasteizen 700 lagun inguru mobilizatu ziren. Ermuan eta Donostian ere izan dira eta Busturialdean (ostiralean - 18:00etan: kotxe karabana Gernikatik (Astratik) Bermiora - eta 20:00 etan manifestazioa Lameratik (Bermio)

, Altsasun ostiralean 20:00etan elkartartzea egingo da, Bilbon ostiralean manifestazioa izango da Arriagatik abiatuta 19:00etan eta Baionan larunbatean Urtarrilaren 3an goizeko 11etan Herriko Etxearen aitzinean.

Horrez gain, Sakanan Israeli Boikot ekimenaren inguruko hitzaldia egin zen Altsasuko gaztetxean pasa den larunbatean, 30 lagun bertaratu ziren eta igandean eta astelehenean kartelak eta pintadak agertu ziren, batez ere, Israelentzat autobusak egiten dituen lantegi batean.

Ezker abertzalea ere argi lerrokatu da Palestinaren eskubideen alde eta boikota elkartasun tresna eraginkor gisa aldarrikatu ere.

Askapenatik zera nabarmendu nahi dugu, ekimen hauetan sentitzen ari den elkartasun gogo eta grina handia izaten ari da, eta horregatik uholde hau eguneroko boikot ekimenera bideratzera animatzen zaituztegu. Palestinatik hori da eskatzen digutena Sudafrikako Apartheid-ari hainbesteko min egin zion nazioarteko boikot ekimen hura gogoan hartuta.

Nola? Zuen herrietako udal mozioak aurkeztuz, udal horrek Israelekin harreman guztiak eten ditzan eta berririk egin ez dezan (adibidea) bai eta elkartasunez manifestuaren bidez zuen gertuko arloetan ere (musika, kirola, irakaskuntza, bertsolaritza...) pausuak eman ditzazuen.

Boikot ekimena abiatu besterik ez da egin, baina ziur gaude pausuz pausu Euskal Herriak sionismoari ateak itxiko dizkiola eta gure aletxo hori Palestinako erresistentziari lagunduko diola justizia eta bakea ekartzen.

Sarraskiaren aurrean, Israeli boikot!

Gazako sarraskia

Israel Estatu terrorista Gazan sarraski berri bat egiten ari da, honezkero 300dik gora lagun hil ditu.

Zoritxarrez, sionismoak (mendebaldearen laguntzaz) Palestina eurentzat izango zela aldarrikatu zuenetik, segida luze eta latz baten beste ale bat besterik ez da Gazako azken hau:  eraso terrorista sionistak,  1948ko Nakba (Hondamendia), miloika errefuxiatu, palestinar lurren lapurreta etengabea, koloniak, lotsaren harresia, hildakoak, atxiloketak, kontrolak...

Nola da posible, hainbeste urtez tamaina horretako zapalkuntzak irautea?

AABBk eta Europar Batasunak Israel etengabe laguntzen dutelako: harreman politiko, ekonomiko, kultur zein kirol arlokoak erabateko normaltasunez egiten dituzte, euren hiztegian deitzen duten 'gatazka'-ren jatorria (okupazioa) ukatzen dute, eta bi aldeen arteko norgehiagokatzat aurkezten digute F16 eta etxean egindako jaurtikien arteko desoreka dena, tanke eta harrien artekoa, kolonia sionista eta palestinar errefuxiatu eremuen artekoa, 300dik gora palestinar erahilak eta israeldar emakume batena.

Zer egin ahal dugu?

Ia 200 elkarte zibil palestinarrek aldarrikatu eta behin eta berriz errepikatzen digute Israelen erasoari aurre egiteko modurik erangikorrena boikotarena dela. Estatu sionistak palestinarren eskubideak errespetatzen ez dituen bitartean, Euskal Herriak ez du inolako harremanik izan behar Israelekin. Ez arlo ekonomikoan, ez politikoan, ez kulturalean, ez kirolean.

Ameriketako Estatu Batuak, Europar Batasuna eta Nazio Batuen Erakundearen jarreren aurrean, hiritarroi dagokigu zapaldu palestinarren alde eta zanpatzaile sionisten aurka gaudela agertzea. Eguneroko lana Israeli boikot kanpaina hedatzea da eta gaur berriz:

Euskal Herriko Arabiar Komunitateak eta Euskal Herriko Islamiar Komunitataek Bilboko Hiribide Nagusian Europar Batasunak duen bulegoaren aurrean 19:00etan deitu duen elkartaratzera euskal internazionalista guztiok joan gaitezela dei egiten dugu.

Eta bihar Gasteizen (Abenduak 30) Korreosen aurrean  20:00eta elkartaratzea deitzen dugu.

        EUSKAL HERRIAK SIONISMOARI EZ!!!!
        ISRAELI BOIKOTA!!!!
        GORA PALESTINA ASKATUTA!!!!!

Orriak

Subscribe to Askapena RSS
randomness