Ho due paesi da amare ed un mondo per il quale lottare

Pakito Arriaran

Tu sei qui

Palestina

EH-Palestina sarearen erantzuna Noa abeslari israeldarrari

2014ko uztailaren 16an, Gasteizko jazzaldiaren egitarauaren barruan, Noa kantari israeldarra iragarrita dago. Horren aurrean Euskal Herriko hainbat kulturgile eta akademikok bat egin eta Noari, berari, gutun ireki bat helarazi zioten. Ekaina amaieran Noak erantzun egin zien Euskal Herriko kulturgileei ondorengo eskutitzarekin.

Eratzun horren aurrean, Euskal Herria-Palestina sareak ondorengo gogoera azaldu nahi dio euskal jendarteari:

Interbentzio Sionistaren aurrean, Palestina aurrera!

Beste behin ere, Estatu Sionistak Palestinar herriaren aurka hasitako eraso militar baten aurrean gaude zoritxarrez. 1948ko okupaziotik bizirik dirauen zapalketa honetan, harresiak eta kolonia ilegalak eraiki, edo eta hilketak eta atxiloketak burutzen dituzten horiek, konponbiderako pausuak eman ordez, zapalkuntza inperialistan sakontzen jarraitzen dute. Oraingoan, 3 kolonoen auzia izan da erasoaren aitzakia, azken asteetako tentsio eta palestinarrak zatitu eta ahultzeko interesen azken trikimailua.

Honen aurrean AEB eta EBk beste aldera begiratzen jarraitzen dute, israeldarren basakeriei bizkar emanez . Komunikabide nagusiek berriz, herritarrak desinformatzen dihardute. Bi parte berdinen arteko gatazka bat bezala plazaratzen dute eta benetako errealitatea estali, Israelgo Estatu Sionistak palestinar herriarekin egiten duen etengabeko zapalkuntza kontuan hartu gabe, eta bide batez, erasoari sostengua emateko baldintzak sortuz.

Palestinaren aurkako oldarraldiaren lekuko

Aitor Bikandi Aiaraldeako Askapenako kidea Palestinan da eta azken asteetan Israelek Palestinar herriaren aurka ekindako oldarraldi errepresiboa gertutik bizi izan du. Airaldea Komunikazio leihoan eginiko bideo elkarrizketan argi azaltzen du dena! Ikusi!

Aitor Bikandi laudioarra, Palestinako gatazka eta errepresio olatuaren lekuko from aiaraldea komunikazio leihoa on Vimeo.

Checpoint en Bilbo

El pasado sabado la red de movimientos y sindicatos BDS  (Boicot, Desinversiones y Sanciones) realizamos una acción por las calles del Casco Viejo en solidaridad con Palestina y para recordar que el 9 de julio, se cumpliran 10 años desde que la Corte Internacional de Justicia declarara "ilegal" la construcción del muro del apartheid que Israel construyó en Palestina. Las/os activitas simulamos un checkpoint del ejercito israelí, como los que sufre la población palestina diariamente y teatralizamos los registros, detenciones y  humillaciones que en estos puntos de control se sufren. La acción se realizo en dos puntos diferentes del Casco cerrando prácticamente la calle. Además se repartió información sobre el muro del apartheid y la potencialidad del BDS (Boicot, Desinversiones y Sanciones) como forma efectiva de denunciar el genocidio que practica Israel contra el pueblo palestino.

 

Estatu sionistaren aurpegi arrazista eta bortitza agerian, beste behin ere

Hiru gazte israeldarren ustezko bahiketa, egoera nahasi eta susmagarrian, izan da Estatu sionistak beste ofentsiba militar bat burutzeko erabili duen aitzakia. Gertakizun hauek testuinguru zehatz batean gauzatzen direla argi izan behar dugu ordea, Hamas eta Fatah-ren arteko akordioa publikoa egin eta aste gutxietara, eta baita preso palestinarrek atxiloketa administratiboen aurkako burutzen ari diren gose greba luze baten hain zuzen ere.

Ustezko baiketata aitzaki gisa baliatu du Estatu sionistak lurralde palestinarren okupazioa areagotzeko, kaleak indar militarrez hartu, etxez etxe sartu eta jendea atxilotzeko. Jazarpen honen ondorioz gazte palestinarrak hil dituzte azken egunetan eta beste ehundaka bahitu, ziegetan torturen bidez informazioa ateratzen saiatuko direnak. Herri palestinarraren borroka ahultzeko ahalegin berri batean aurrean gaude. Nablus, Hebron, Ramallah, eta beste hiri eta herri askotako kaleak herri palestinarraren aurkako zigorraren intentsifikazioaren lekukoak dira, ejerzito sionistak gauzatuta, Mahmud Abbas-en gobernuaren laguntzarekin (badaude jada soldadu sionistekin batera polizia palestinaren parte-hartzearen salaketak).

Eragile ezberdinekin batera Premier kosmetikoen salmenta salatzeko elkarretaratzea burutu genuen Bilbon

Pasa den ostiralean, ekainak 19, Asociación Paz con Dignidad, Palestina Biladi elkartea, Coordinadora de ONGDs de Euskadi, Fundación Paz y Solidaridad (CC.OO.), STEE-EILAS eta ESK sindikatuak, Komite Internazionalistak, Sare Antifaxista eta Balezta eragileekin batera elkarretaratzea burutu genuen "Ez erosi apartheidik" lelopean Premier dendaren aurrean.

Espainiar Estatuko leku askotan eta oso postu ikusgarrietan saltzen diren Premier markako produktu kosmetiko israeldarrak Zisjordaniako Kalia Kibbutzean ekoizten dira, Itsaso Hilaren ertzean. Produktu horiek ustiatzeko orduan guztiz urratzen dira nazioarteko eskubidea eta Nazio Batuetako ebazpenak, horien arabera, palestinarrek lurralde horiekiko subiranotasuna baitute.Kolonia horri gainbegiratu bat emanez gero, erraz ikus daitezke palestinarrei ukatzen zaizkien igerileku handiak.

Noari gutun irekia idatzi diote euskal herriko hainbat kulturgile eta akademikoek

2014ko uztailaren 16an, Gasteizko jazzaldiaren egitarauaren barruan, Noa kantari israeldarra iragarrita dago. Horren aurrean Euskal Herriko hainbat kulturgile eta akademikok bat egin dugu Noari, berari, gutun hau bidaltzeko.

Maiatzaren 15ean Palestinarekin elkartasuna Euskal Herriko plazetara!

Maiatzaren 15ean Nakba-ren eguna gogoratzen da, “hondamendiaren eguna” arabiarrez hain zuzen ere eta  palestinarren exodoa izendatzeko erabiltzen da. Izan ere, 1948ko egun horretan herri palestinarraren zati handi bat bere etxeetatik kanporatua izan zen.

Askapenatik, larunbatean #HerriJantzia formazio mintegietan aterako argazkiarekin Euskal Herria-Palestina Saretik luzatuko ekimenekin bat egin eta maiatzaren 15ean Palestinarekiko elkartasuna Euskal Herriko plazetan islatzeko dei egin nahi diogu Euskal Herriko jendarteari.

Isralei Boikot eguna ospatu zuten larunbatean Gasteizen

Gasteizko Gaztetxean antolaturiko hitzaldi batekin eman genion hasiera larunbatean Israeli Boikot egunari. Bertan Askapenako brigadistak izan ziren hizlari, palestinan bertan ikusi eta ikasitakoa azalduz. Esperientzia polita bezain gogorra dela ikusi eta entzun ahal izan genuen. BDS herramintaren garrantzia azaldu eta Israeli Boikot egitea denon ardura dela azaldu ziguten.

Ostean, indarrak hartzeko bazkari herrikoi eder baten bildu ginen 40 bat lagun. Sabelari kasu eginda belarriak jadanik erne geneuzkan bertso poteo antisionistari ekiteko. Umorez eta irriz beteriko bertso poteoa izan zen nahiz eta txantxarik gabeko aupegi serioak ikusteko aukera ere izan genuen. Poliki poliki ahiztogile kaletik gora Gaztetxera abiatu ginen bertso artean.

Isunen gainetik Israeli Boikot eguna larunbatean Gasteizen

Badira zenbait urte palestinako gizarte zibilak nazioarteari deialdia egin ziola, ehunka eragilek adosturik, Israelek oinarrizko gisa eskubideak errespetatu zitzan. Beraz, Boikot Desinbertzio eta Zigorren kanpaina abiarazi zuten, hain zuzen, errefuxiatu palestinarren eskubideak bermatu, apartheid harresiarekin bukatu eta Israelen bizi diren palestinarren bizi duintasuna berma zedin.

Israel? Ez, eskerrik asko!

Azken aldian asko entzun eta irakurtzen ari gara Israelgo Estatuaren aurkako boikot edo BDS kanpainaz (Boycott, Divestmente and Sanctions). Baina ba al dakigu zertan datzan?

Atzoko egunez Info7 irratian elkarrizketa egin zioten Iñaki Etaio, militante internazionalistari eta argi azaldu zizkigun boikotaren benetako helburu eta nondik norakoak. Hain zuzen, Iñaki, Aitor Bikandi eta Igor Goikolearekin batera aurreko urteko Askapenako Brigadetan Palestinan izan ziren eta zuzenean boikot horren zergatiak ezagutzeko aukera izan zutenez labur azaldu ziguten “Boikota herri borrokaren tresna gisa” iritzi artikuluan.

Boikota herri borrokaren tresna gisa

Iñaki Etaio, Aitor Bikandi eta Igor Goikolea pasa den urtean 2013an Askapenaren eskutik Palestinan izan ziren Brigadetan. Bertan ikusi eta ikasitakoa erreportaia txukunetan azaldu ziguten orain gutxi. Azken asteetan boikotaren gainean idatzitako iritzi artikulua zabaldu dute. Euskaraz eta gaztelaniaz jaso dugu hemen:

 

 

Prentsan jasoa:

Gara

Berria

Borroka garaia

Palestinan egondako Brigadistek Bergarako Gaztetxean izan ziren

Urte asteko hitzaldi internazionalista bat, zergatik ez? Hala egin zuten Bergaran urtarrilaren 3an. Gaztetxera hurbildu zirenak pasa den urtean Palestinan egondako hiru brigadistekin batera ia 2 orduz jardun zuten tertulian. Sionismoa eta bere proiektu espantsionistaz hizketan aritu diren, Palestinar lurraldearen okupazioaz (baita alboko eremuetara, Golango altuak esate baterako), borroka antisionista desitxuratzeko saiakerez eta nola ez palestinarren aurkako errepresio eta militarizazioaz. Baina baita Brigada egon zen hirietako egoera eta izandako hartu emanetaz ere.

Gehiago jakin nahi? Bada orain gutxi Brigada honetako kideek Hebronen (Palestina) inguruko erreportai txukun bat egin zuten. Irakurgai duzu hemen.

Brigadisten eskutik Hebron (Palestina) gehiago ezagutzen

Udaran Askapenak antolatutako Brigadetan Palestinan izan ziren kideek bertan ikasi, ikusi eta bizi izandako errealitatea modu argi batean aurkeztu digute Naiz.info irakurgai dauden lanetan. Lan ederra eta txukuna Palestinar herriaz gehiago ezagutzeko.

"Estatu sionistaren presentzia etengabekoa da, zaintza militarreko dorre, kamara edota checkpointen bitartez, soldadu israeldarrek palestinarren mugimendu ororen jagole dira eta beraien misioa betetzeko praktikan jartzen duten injerentzia-mailaren inguruko ideia zehatza izateko, gauean edozein palestinarren etxeetara sar daitezkeela jakin behar da." Horrela azaltzen dizkigute  erreportaje honetan Hebron, Zisjordaniaren hegoaldeko hiririk handienean "Palestina osoan okupazioaren inguruan bizi diren bidegabekeriak".

Errealitate honetan 2008an ‘Youth Against Settlements’ taldea sortu zen, "urtetan zehar Hebronen gertatutakoek motibatuta eta horrelakoekin amaitzeko xedearekin". Helburu, ekintza nahiz kanpinak ere azaldu dizkigute Brigatistek "YAS: Kolonien aurka antolatutako gazteria palestinarra" izeneko bigarren erreportaian.

Ostiralean Palestinaren aldeko kontzentrazioa Bilbon

Kontzentrazioa: "Palestinarekiko Nazioarteko Elkartasun Eguna" Azaroaren 29an, Ostiralarekin 11:00etan, Bilboko Moiua Plazan.

Kakitzat, Komite Internazionalistak eta Askapena gizarte mugimenduek Palestinar Herriarekin elkartasuna adierazi nahi dugu eta aldi berean Israel estatu sionistak Palestinaren kontra eramaten dituen politika zapaltzaileak salatu nahi ditugu. Bestalde estatu espainarrak, jakinda Israeldar estatuak egunero Palestinar biztanleen giza eskubideak zapaltzen dituela, estatu honi armamentua saltzen jarraitzen diola salatu nahi dugu.

Pagine

Abbonamento a RSS - Palestina
randomness